الست ديه بتقول
الست دي بتقول مافيش في البيت غير خمسة جنية حطتها على الترابيزة وقالت هروح الصبح أشتري بيها عيش وإن كان على الأكل يبقا يدبر بأي حاجة أنا عندي شوية بطاطس في البيت
وفيما هى تقلب الأمور في رأسها سمعت حد بيخبط على الباب فتحت الباب لقت جارتها بتقولها البيت مافيهوش ولا قرش ألاقي معاكي خمسة جنية سلف وبدون تردد قالت لجارتها أيوة في يا حبيبتي لحظة واحدة أجيبهالك ودخلت جابت الخمسة جنية بتاعة العيش وإديتها لجارتها !!
ولما قفلت الباب إبنها قال لها أيه يا امي إللي عملتيه ده أنتي إديتي لجارتنا أم فلان الخمسة جنية بتاعة العيش طبعا يا ابني ماهى طلبتها وبتقول مافيش في البيت ولا قرش طيب ما احنا برضوا مافيش في بيتنا ولا قرش أحنا ربنا هيدبرهالنا وهيبعتلنا خمسة جنية غيرها لكن هى لجأت لينا وخبطت على بابنا ومكانش ينفع نقولها مافيش طيب هيدبرها إزاي يا أمي ده الدنيا ليل واحنا في قرية وأنتي بتروحي الساعة ستة الصبح تجيبي العيش يبقا الفلوس هتيجي إزاي بس !!
نامت السيدة مطمئنة ومتكلة على الله تماما وصحيت الساعة الخامسة صباحا وقالت صليت وقولت لربنا مافيش عيش في البيت خالص وكمان مافيش فلوس وأنا قلت للواد ان ربنا هيدبرها وأنا بروح الفرن الساعة ستة الصبح ودلوقتي الساعة خمسة
بتقولي أنا قعدت أكلم ربنا وأقوله ارزقنى فلوس العيش والساعة ستة بالظبط لقيت الباب بيخبط ولقيت جارة مابتجيش عندي خالص وخاصة في ساعة بدري زي كدة وبتقولي سامحيني يا حبيبتي أنا نسيتك خالص
دخلت السيدة وأغلقت الباب ووقفت بصت للسماء وقالت لربنا أنا قولت للواد انك هتدبرها بس قلتله انك هتبعتلنا خمسة
تبعتلنا خمسين جنية التدبير منك يارب.
