يونس

اسفه بس انا فعلا معرفش
الست ببتسامه اممم شكلك وراكي موضوع كبير اوي عموما يا بنتي القطر ده رايح اسكندريه
رقيه متشكره يا امي تسلميلي يارب
الست علي ايه يا بنتي بس
رقيه ابتسمتلها بهدوء ورجعت راسها علي الكرسي وبدأت تفكر هتعمل اي في حياتها والي هيا ريحالو وبعد شويه سمعت صوت بيقولها اتفضلي معانا يا رقيه هانم

رقيه فتحت عينها پصدمه وقالت نعم مين حضرتك وعاوز ايه
الشخص بهدوء لو سمحت انزلي معانا من غير دوشه
الست جرا اي يا واد انت انا مش ماليه عينك ولا اييه انت عاوز اي من البت الغلبانه دي
يونس دخل عليهم فجأه وقال هو كده ينفع يا رقيه سايبه جوزك وراحه اسكندريه علشان زعقلك بس
رقيه بصتلو پصدمه وقالت يونس
يونس ببصه كلها شرر اه يا روح يونس اتفضلي معايا
الست بضحك اي يا بنتي معقوله سايبه الواد القمر ده وماشيه
رقيه لسه راحه تتكلم قاطعها يونس ببتسامه وقال قوليلها يا امي بالله عليكي وخليها تعقل كده ده ملهاش غير اهلها وبيت جوزها
الست ببتسامه ربنا يخليكو لبعض يا ابني يارب خدها وامشي بقا لان القطر هيطلع اهو
يونس ماشي يا امي عن اذنك
رقيه بعتراض اجي معاك فين يا بنأدم انت انا مش هتحرك من مكاني
يونس بصلها پغضب ونزل شالها وهي فضلت تقاوم بس مقدرتش وصلو عند العربيه زقها في العربيه پعنف وركب
رقيه بزعيق وعصبيه انت مختلفففف
يونس فضل سايق العربيه بعصبيه ومبصلهاش ولا اداها اي اهتمام لغايت موصلو القصر
يونس وهو بيفتحلها الباب انزلي
رقيه وهي مربعه ايديها وبصه قدامها مش نازله
يونس بزعيق قووولت انزززلي
رقيه خاڤت ونزلت دخلت لقت ابوها وامها ومليكه واقفين مستنينهاا
مليكه بعياط وهي بتجري عليها كده يا رقيه كنتي عاوزه تسبيناا هونت عليكي تسبيني
رقيه بصتلها بدموع ومكلمتش
دولت بصتلها بعتاب وقالت ليه يا رقيه ليه كده يا حبيبتي عملنا فيكي اييه بس
هشام بمقاطعه كلامهم وقال بجمود يونس
يونس نعم يا عمي
هشام اعمل حسابك كتب كتابك علي رقيه بكره بليل جهزوا نفسكم
رقيه ويونس بصو لبعض پصدمه